Jornalet

Jornalet
Adishatz sempreprovenco

Se non s'aficha pas de com cau lo Jornalet, premetz ací.

Que recebetz "Lo jornalet" pr'amor qu'ètz inscrivut (1192 contactes verificats).

Une version de ces articles en français ? : nous entretenons la version française de notre site http://www.radio-pais.com à cet effet, visitez-le !

Que vos mercejam per la vòsta atencion,

L'equipa de Ràdio País.
Hestiv'Oc la setau !
Deu 17 tau 21 d'aost la hestejada occitana qu'ei a Pau !
Dimèrcs 17 d'aost en preludi, La Camada dab lo Maraton de Pau, Encontres deus dus penents dab l'Institut Occitan e contes dab Inter espaces.
L'obertura oficiau Plaça reiau dijaus 18 d'aost, a 19h30, au balcon de la Mairia poblat deus pairins de l'edicion de 2011.
Que seràn apuish quate dias d'animacions a gratis dens tota la vila, artistas confirmats e descobèrtas, suspresas, enter tradicions e expressions contemporanèas !
Dab Hestiv'òc, lo còr de la vila de Pau que batana entà las culturas e las musicas !
La Federacion Interregionau de Mèdias occitans que cobrirà l'eveniment.
Qu'ei lo parat d'un tribalh cooperatiu enter : La Setmana, Ràdio Occitania, Radio Oloron e Ràdio País.
De 5 òras tà 7 òras deu vrèspe cada dia deu dimèrcs enlà. A v'i encontrar !
2au edicion deus encontres literaris deus "2 penents" tà Hestiv'Òc
Los 17 e 18 aost, tretze autors vienuts deus dus penents deus Pirenèus que s'encontraràn a Pau au parat de la dusau edicion deus encontres literaris transfrontalèrs tà exprimir aquesta creacion polifonica qui s'escriu enqüèra uei lo dia dab las lengas de l'espaci pirenenc.
Los encontres literaris deus "2 penents" qu'auheriràn au monde de noste e d'aulhors l'escadença d'encontrar e d'escotar autors a l'entorn deu tèma "Ua termièra, termièras ?"
Rendetz-ve dongas dab Philippe-Jean Catinchi, Aurelia Lassaque, Joan Loís Lavit, Joan Claudi Forêt, Sarà Laurens, Patxi Zubizarreta, Joxe MariCarrere, Jaume Pont, Francho Nagore Laín, Ángel Guinda, Claude Chambard, Denis Montebello, Jean Paul Basly.
Espiar lo programa sus 2penents.com
Encontre "Lengatges shiulats de la Mediterranèa"
L’associacion "Lo Bearn Shiulat", que’vs perpausa de l’encontrar lo divés 19 d’aost de cinc òras a deu ser dinc a sèt òras a l’auditòri de la mediatèca d’Este de Vilhèra (64).

Entresenhas mei ací
Pastorala deu País de Morlans
Pastorala deu País de Morlans los 26, 27 e 28 d'aost de 2011 a la glèisa "Sainte-Foy" de Morlans.
Entresenhas : http://pastoralamorlaas.free.fr
En Ondas de Domenja Lekuona lo dimèrcs 17 a 21h, lo dijaus 18 a 14h e lo dimenge 21 d'aost a 11h : en navèra difusion l'emission 9 de deceme de 2009 Congrès IEO Transmission familiau de las lengas minoritàrias
F. Bernissan
F. Martel
G. Dalgalian
Los mots claus deus perpaus de las tres personas encontradas au Congrès per la transmission familhau cò organizat per l'IEO los 19 & 20 de noveme de 2009 a Tarba (IUFM) :
Introspeccion lingüistica tà Fabrici Bernissan de Nosautes de Bigòrra
E i ei ua vita après la mort lingüistica ? dab l'istorian Felip Martel de la Felco
Enfin lo concèpte de glossòdiversitat explicat per Gilbert Dalgalian l'autor de "Enfances plurilingues"
Domenja Lekuona que'vs convida a encontrar aquesta tres intervenents au congrès dens ua edicion especiaument batalaira e passionanta.
* Musicas VERD E BLU
* Sonaus J. F. Tisnèr
Edicions Ieo Ideco


Las edicions Ideco que vienen de sortir un roman en gascon taus adolescents : lo pacte, escriut per lo JM Dordeins.
Mei d'entresenhas suu site : http://www.ideco-dif.com/presentation.php
Hestenau electroacostic "SonMiré"
8au hestenau "SonMiré" los 9,10 e 11 de seteme de 2011 a Fabrezan (Aude)
Entresenhas : www.sonmire.org 06 78 77 12 44


Calandreta Lescar
L’escòla primària Calandreta Lescar que cèrca :
Un agent especializat de las Escòlas Mairaus
Titulari deu CAP petita enfança o experiéncia dens lo miei escolar o dab mainats.
Qualitats : capacitat d’adaptacion, aisèr relacionau dab los mainats, dinamisme
Pre requist : lenga occitana parlada o coneishença de la lenga
Descriptiu deu pòste :
Devath la responsabilitat deu regent : rotle educatiu, preparacion e entertien deu materiau pedagogic, ajuda aus repaishs, igièna, accompanhament au cluc.
CDD a comptar deu començament de seteme. Contracte de 10mes.
CUI CAE a comptar deu començament de seteme.
Temps parciau : 30 òras per setmana
Taus orari : 9 euros (sia 1170 euros mensuaus bruts)

Un animator (-a)
Titulari deu CAP petita enfança o BAFA o experiéncia dab mainats
Qualitats : idem
Pre requist : idem
Descriptiu deu pòste : Ajuda a la classa, cantina, guarderia
CUI CAE a comptar deu començament de seteme.
Temps parciau : 20 òras per setmana
Taus orari : 9 euros (sia 779 euros mensuaus bruts)

Un agent de servici en escòla
Pòste accessible shens nada qualificacion. Experiéncia dab mainats en collectivitat
Qualitats : idem
Pre requist : idem
Descriptiu deu pòste : Cantina, guarderia, netei/estruç
CUI CAE a comptar deu començament de seteme.
Temps parciau : 20 òras per setmana
Taus orari : 9 euros (sia 779 euros mensuaus bruts)

Candidaturas de mandar a la Dauna Presidenta Escolà Calandreta Rue du Lieutenant de Vaisseau Garnuchot 64230 Lescar
hornir CV e letra de motivacion, entertien individuau d’embaucha.
Ràdio País qu'ei sostienut per









tanben en escambi de solidaritats per